Detectives da mobilidade

 Os nenos e nenas de 4º, 5º e 6º de educación primaria convertéronse nuns detectives moi especiais. Realizaron os percorridos propostos para o noso Camiño Escolar Seguro para comprobar o seu estado. Descubriron e tomaron nota dalgunhas deficiencias nos mesmos para posteriormente trasladarlas ao concello de Sada. Arranxo das beirarrúas, pintado dos paso de peóns, mellorar a accesibilidade, colocar sinales de tráfico, etc.

Nos blogues dos distintos cursos podedes ver todas as imaxes da actividade

Tea de arañas máxicas

 Aquí temos dous vídeos que pretenden concienciar sobre a importancia da seguridade viaria.

O primeiro busca potenciar o Camiño Escolar Seguro fronte aos medios de transporte contaminantes.

O segundo é un vídeo presentación dunha campaña da Dirección Xeral de Tráfico sobre a necesidade de coidar dun mesmo e dos demais.

Resultado enquisas familias

 A análise das enquisas que as familias cubriron recollen os seguintes aspectos destacados:

• A forma principal de mobilidade do alumnado corresponde á opción de ir camiñando ao colexio.
• Os desprazamentos realízanse acompañados dunha persoa adulta cunha maioría significativa.
• Observase unha relación entre a idade do alumnado e a distancia a percorrer coa probabilidade de desprazarse andando ao colexio de forma autónoma.

Relación entre o tempo de desprazamento e o medio de transporte utilizado:

Aquí está dispoñible o análise completo das enquisas.

Borrador de percorridos propostos para o Camiño Escolar Seguro do centro.

A partir do análise das enquisas solicítase ás familias que cubran o seguinte cuestionario

Cuestionario para cubrir polas familias 

Enquisas familias

Para coñecer os hábitos de mobilidade das familias do alumnado do noso centro o Proxecto A.N.C.A.S. realiza unha enquisas orientadas a poder establecer os distintos percorridos do Camiño Escolar Seguro.

Na maior brevidade posible deberán ser devoltas cubertas ao centro.

Clica na imaxe para ver a enquisa

Talleres de mobilidade sostible

Da man de Davinia e Guille, ténicos de Stop Accidentes, no día de hoxe todo o alumnado de educación primaria e de 6º de educación infantil participou nuns talleres de mobilidade sostible e segura.

Neles compartimos as nosas experiencias, sentimentos e desexos respecto ao reto de movernos con autonomía de camiño ao cole.

Os nenos e nenas levaron unha enquisa para encher en casa, en colaboración familiar, sobre os hábitos e punstos de risco no camiño desde as súas casas ata o noso colexio.

Aquí podedes ver unha curtametraxe sobre a importancia da solidariedade na mobilidade segura.

PROXECTO A.N.C.A.S

Durante este curso  2023  2024 o noso centro porá en marcha,  xunto co Concello de Sada (dentro do Plan de Mobilidade Sostible) e a asociación Stop Accidentes, o proxecto Camiño Escolar Seguro A.N.C.A.S., Agora imos andando ao cole!.

A.N.C.A.S. é un proxecto socioeducativo que se desenvolve en Educación Primaria. Nel traballamos valores sociais e viarios para xerar hábitos saudables que permitan á comunidade escolar un desprazamento seguro no camiño ao colexio.

O camiño escolar é un proxecto de cidade, que realizamos en colaboración co Concello  de Sada, que financia o seu desenvolvemento,  e toda a comunidade escolar, que busca mellorar a mobilidade urbana, recuperar a cidade como un espazo de convivencia e, ao mesmo tempo, permite contribuír a que as contornas escolares sexan espazos seguros, sostibles e inclusivos.

Esta iniciativa propón ao alumnado vir andando ao cole, acompañado por outros nenos/as e cun adulto de referencia (pai/nai voluntaria), logrando así un banco de tempo que favoreza a conciliación familiar e permita aos nenos/as gozar do percorrido en compañía das compañeiras/os do cole.

Estade preparados e preparadas xa que en moi pouco comezamos!