Comezo do Camiño Escolar Seguro

No día de hoxe comezou a posta en marcha do Camiño Escolar Seguro no noso colexio.  As familias que se inscribiron achegáronse ao centro polas distintas rutas establecidas.

Con esta iniciativo tentamos promover a seguridade e a mobilidade segura dos nosos nenos e nenas no seu camiño cara ao colexio A seguridade viaria nas contornas escolares é unha tarefa conxunta que implica a diferentes axentes, pero a implicación de toda a Comunidade Educativa é clave para lograr a mellora da seguridade e mobilidade escolar.

A participación no Camiño Escolar Seguro (CES) pode ser:  

• A nivel individual: un pai/nai que acude ao centro camiñando co seu fillo/a ou fillos/as como fai habitualmente.
• Alumnado de 5º e 6º de educación primaria que acude só ao centro con autorización.
• Creando un grupo: varias familias deciden organizarse para levar/recoller aos nenos/as ao colexio. Neste caso é preciso cubrir unha autorización de recollida específica do Camiño Escolar Seguro que está dispoñible na conserxería do centro e neste blog.

O alumnado que acuda ao centro camiñando e estea dado de alto no CES, individualmente ou en grupo, poderá acceder ao mesmo pola porta principal desde as 08:55 horas (non soará a música):

• Alumnado de 3º, 5º e 6º de educación primaria directamente ás súas aulas.
• Alumnado de educación infantil, 1º, 2º e 4º EP ao ximnasio.